Active learning and passive learning التعلم النشط والتعلم غير النشط

علشان نفهم الـ Active learning خلونا نفرق ما بين الـ Active يعني النشط والـ Passive يعني غير فعال

تخيل ان في 2 متدربين بيحضروا نفس المحاضرة واحد بيتفرج علي المحاضر ومبياخدش اي رد فعل كل اللي بيعمله انه بيسمع وبس تفتكر نسبة تحصيله قد ايه ؟

والمتدرب التاني بيسأل في اجزاء وبيأكد بعض الاجزاء بشوية من الخبرات اللي عنده مع المحاضر تفتكر دا بيتعلم بنسبة قد ايه ؟!

دا التعلم النشط والتعلم الغير فعال .. التعلم النشط شوية حول عملية التعليم من مجرد استقبال المعلومات لتأكيدها بالخبرات ومشاركتها مع المتدربين مبقاش الموضوع مجرد استقبال معلومات بشكل او بآخر ولاحظ اني بقول تعلم نشط "مش بس تدريب" .. يعني اسلوب تعليمك بشكل عام نشط مش بس اللي بيبقي في قاعة تدريب يعني لو قاعد في البيت بتتعلم من فيديو ممكن يبقي تعلم نشط !

في احصائية جميلة كالتالي

We retain:

10% of what we read,

20% of what we hear,

30% of what we see,

50% of what we hear and see,

70% of what we say, and

90% of what we say and do.

(Taken from Communication for the Safety Professional, Robert

Kornikau and Frank McElroy, National Safety Council: Chicago (1975),

pg. 370.)

يعني احنا بنفتكر 50 في المية من اللي بنسمعه ونشوفه "محاضر بيلقي محاضرة مثلا باسلوب شيق" انما بنفتكر 90 في المية من اللي بنقوله ونعمله بنفسنا وهو دا المعني الحقيقي للتعلم النشط.

كمان التعلم النشط له مزايا 

الميزة الاولي : التحدي :-

انت حاطت المتدربين دايما في تحدي اثناء التدريب ودا بيخليهم يدوروا علي مهارات جديدة ومعرفة جديدة يتعلموها عكس التعلم غير الفعال اللي مبيبقاش فيه طلب ولا استخدام لمعلومات ولا مهارات جديدة.

الميزة التانية : التأكيد :-

انت من خلال التعلم النشط تقدر تتأكد ان المعلومات وصلت بالفعل للمتدربين ولا لآ ودا يديلك ارتياحية وانت بتعلى معاهم في مراحل التعلم بدل ما كانت مرحلة هتبدأ تدخل في معلومات ومهارات اعمق واعلى ودا بيخلي دايما المتدربين في حالة تحفيز دائم.

الميزة الثالثة : الـ feedback :-

وهنا انت بتاخد تغذية رجعية عن المعلومات اللي اتعلموها وعن اللي محتاج تطوير لسا وعن اللي بالفعل تم تطويره وبيديلك تقييم للي انت طبقته معاهم وصل لهم بنسبة قد ايه؟

في كتب كتيرة اتكلمت عن التعلم النشط وازاي تعمله وفي كمان كتب كتيرة كتبت مباشرة عن التدريبات وورش العمل اللي ممكن تستخدمها تعمل تعلم نشط زي كتاب 101 more training games وفي مواقع كتيرة وناس كتيرة بتشارك ورش عمل لكن المهم تستخدمها في مكانها الصحيح وتشاركها.

التعلم النشط مش بس انك تشارك الناس معاك التعلم النشط الصحيح انك تشارك الناس معاك كمدرب ومع بعضهم كمتدربين ومع الموضوع نفسه اللي بتتكلم عنه لكل واحد على حدى.

ميزة التعلم النشط انك ممكن تستخدم نفس التمرين او ورشة العمل لاكتر من هدف وتطلع منها اكتر من معني في كورسات وتدريبات مختلفة "يعني نفس التمرين اللي بتستخدمه في القيادة بتعلمهم فن التعامل مع الاتباع ممكن تستخدمه هو هو في فن التفاوض !"

في المقالات الجاية عن التعلم النشط هنتكلم اكتر عن امثلة وعن تطبيقات وهيبقي في فيديوهات للكلام دا ان شاء الله :)

مفاهيم هامة للمدربين Instructional design, active learning, simulation and gamification

في شوية مفاهيم اساسية لازم تكون عارفها كمدرب ولازم نفرق مابينهم هشرحهم هنا بالعربي علشان هنستخدمهم كتير الفترة الجاية في مقالات هنحتاج ان احنا نفهمهم تفصيليا بعد كدا وبعضهم هننزله فيديوهات ان شاء الله :)

اولا :- الـ Instructional design :-

معناها الحرفي يعني تصميم العملية التدريبية وهو مجموعة التعليمات اللي بنمشي عليها من بداية التدريب لنهايته وفيه بنصمم العملية التعليمية للكورس بتاعنا او لاي تدريب بنعمله ومثال علي دا ويمكن اقواهم واللي هنشرحه بالتفصيل بعد كدا هو نموذج ADDIE

A = Analyze تحليل

D = Design تصميم 

D = Development تطوير

I = Implement تنفيذ

E = Evaluate تقييم

دا واحد من نماذج الـ Instructional design ويمكن اشهرهم علي الاطلاق وهنستفيض في شرحه ان شاء الله لاحقا.

ثانيا :- الـ Active learning :-

باختصار هو انك تخلي عملية التعليم بتاعتك نشطة والتعلم النشط يعني انك تخلي المتدربين دائما متحفزين ونشطين لانهم يستقبلوا منك معلومات جديدة ودا طبعا مش هيتم بانك تدي القاء طول الوقت.

مثال يوضح اكتر لو عندنا اتنين مدربين واحد دخل قعد 4 ساعات يعمل ورش عمل ويقسم الناس مجموعات ويخليهم يتناقشوا مع بعضهم ويشاركوا خبراتهم ويطلعوا نتائج مفيدة وحد تاني دخل قاعة التدريب اكتر تمرين عمله انه قالهم يجاوبوا علي اسئلة هو قالها وبس تفتكروا كدا مين عمل تعلم نشط اكتر ؟!

بالتأكيد الاول.

هنشرح اساليب وفنيات عمل تدريب نشط بالتفصيل ان شاء الله في المقالات القادمة.

ثالثا :- الـ Simulation :-

المحاكاة في اي شئ انك تحاكي الواقع بس داخل مكان "تمثيلي" يعني بتمثل كأنك في الواقع في ناس بتوصل معاها درجة المحاكاة مثلا في قاعات التدريب انه يوفر كل الامكانيات والادوات كأنه فعلا في بيئة العمل فلما الموظف يغلط اثناء التدريب يمكن اصلاح اخطاءه وبالتالي هو اتعلم الحاجة علي الواقع الافتراضي اللي هيأتهوله جوا قاعة التدريب.

المحاكاة من اقوى اساليب التدريب اللي ناس كتير اوي بتلجأ ليها علشان تعلم موظفينها كما ينبغي ان يكون.

رابعا :- الـ Gamification :-

هو مفهوم جديد واسلوب بيستخدم من بدري في التعلم لكن بعشوائية بدأ الفترة الاخيرة يترجم الي جزء مهم من عملية التدريب وفي الاسلوب دا انت بتخلق جو شبه اللعبة وشبه المحاكاة لكنه حاجة مختلفة بتوصل بيها مهارات بيبقي ليها عناصر كتير وبيبقي في حافز وجائزة للكسبان.

مثال قوي ليه شفته في كل دروس الـ gamification اللي اتعلمتها هو لعبة Monopoly "حاجة شبه بنك الحظ بس بالانجليزي :D "

Training Specialist

we need to hire the following positions:
 Training Specialist
Job Title: HR Specialist
Qualifications :
- University Degree
- HR Deploma
- 3 to 5 experience in the same position
- Age from 25: 30
- Salary (L.E.): Negotiable

Please send your CV to the following mail address quoting job title , recruitment@cg-eg.com

9 وظائف للمدربين علي لينكدان في مصر Linkedin training jobs in Egypt

1- Training manager at practex

2- Sales training assistant manager at Nissan

3- Direct sales coach at OSN

4- Training and development specialist at AZADEA

5- Training and development specialist at Edita

6- Training manager at IHG

7- Training and development specialist at KANDIL Egypt

8- Training manager at Quality Academy Egypt

9- Training manager at Fairmont Egypt

يعني ايه Assessment ؟

يعني ايه الـ Assessment ؟

سؤال مهم جدا دايما بيسمع الكلمة دي المدربين وبيسألوا نفسهم يعني ايه ومعناها ايه ؟!

باختصار هي اختبارات قياس المهارات .. وبيختلف شكل الاختبار من مهارة لاخرى وهنتكلم بعد كدا عن اختبارات تفصيليا فيه.

طب فايدتها ايه ؟!

كل مديرين الموارد البشرية عارفين ان المقابلات الشخصية الناجحة بتبقي بناء علي الكفاءات واللي بتسمى competences والاسلوب اللي بيعتمد عليه الانترفيو في دا اسمه CBI (Competency Based Interview) ودا النوع الاكثر شيوعا خصوصا لو هتعين حد في وظيفة بشكل معين .. طب دا ايه علاقته بالـ assessments

من افضل الطرق اللي ممكن تعملها بقي قبل او بعد تعيين شخص عندك في شركة انك تشوف المهارات اللي عاوزها منه وبناء عليها تعمله اختبار يقيس المهارات والكفاءات اللي عنده دي وبالتالي تعرف هو فين علشان قبل ما تعمل له عملية التدريب قبل التعيين تبقي عارف بالظبط هو وصل لفين.

الاجمل بقي لو انت هتدرب افراد عادي جدا وتبقي عاملهم الاختبارات دي قبل وبعد بحيث انك تعرف المتدرب دا اتحسن بدرجة قد ايه.

الفترة اللي بيتعمل لها الاختبارات دي وشكلها مختلفة علشان ابسطلك الموضوع اكتر اختبارات تحديد المستوى بتاعة الانجليزي تعتبر Assessments ... لو حد عمل الاختبار دا ولقى نفسه في مستوى معين وبدأ ياخد تدريبات وممارسة مكثفة للانجليزي ورجع يعمل المستوى مش هتلاقيه اتحسن ؟

هو دا بالظبط اللي بيحصل كمان في باقي المهارات.

شركات كتير بدأت تعمل دا وبقي هو دا شغلها الشاغل انها تقيس مهارات وتناسب الموظفين في شركة معينة بناء علي أسس واساليب علمية وعملية وتقولك موظفينك مناسبين بدرجة قد ايه للشغلانات دي ولو صلحت ايه هتقدر تكسب اكتر .

عندنا بقي من المراكز العالمية في الـ Assessments هي شركة Thomas international واللي بتقدم تقارير كاملة وشاملة اجزاء كتيرة من المهارات للموظفين دا لينك الموقع بتاعهم علشان تتعرف عليه اكتر :) 

Thomas international

كمان في Assessments بتحدد مجالات العمل والكارير بناء علي عوامل مختلفة وفي حاجات بتحدد درجة تأثيرك وقيادتك وغيرها زي اختبار DISC مثلا كل اختبار وله شكل وهيئة واسلوب معين في اللي الناس بتفضله وفي اللي الناس لقت ان نسبة الخطأ فيه كبيرة هنتكلم عن بعض الاختبارات واستخدامها فيما بعد في المقالات القادمة ان شاء الله

محتوى المانوال التدريبي

المانوال التدريبي واحد من اهم المواد التدريبية المستخدمة اثناء التدريب وفي بعض المتدربين بيهتموا بيها وبيعتبروها الاثر الجيد من التدريب لانه بيحتفظ بيها بعد التدريب فترة خصوصا لو كان تصميمها ومحتواها جيد في المقال دا هنتكلم شوية عن محتوى المانوال التدريبي 

1- تعريف بنفسك كمدرب وبالمؤسسة

لا تهمل تعريف نفسك وتعريف المؤسسة التي تدرب تبعا لها في بداية التدريب وكذلك الامر في المانوال التدريبي اهم ما قمت به من تدريبات وغيرها والافضل ربطها بموضوع التدريب القائم نفسه لانه هيفيد كتير ربط تعريفك بقدرتك علي التدريب للموضوع دا

2- جدول المحتوى

اكتب بعضا من جدوا المحتوى واعتبره ارشاد لمن سيقرأه انه سيعرف ما بداخل هذا الكتيب التدريبي 

3- ملاحظات

هناك من يضعها بعد كل فصل وهناك من يضعها مرة واحدة لكن اجعل المانوال التدريبي يضم كل شئ يحتاجة المدرب بعد التدريب منك حتى الملاحظات التي اخذها اثناء التدريب اجعلها في ورقات منفصلة فارغة ويمكنك رسم اشكال ليتذكروا الملاحظات حين كتابتها في هذه الاشكال وتسهيل ربط الملاحظة بالشكل .

4- تعليمات التمارين

ضع تعليمات التمارين سواء الجماعية او الفردية وربما تضع بعض الالغاز والتمارين ذاتها لكن تذكر ان ربما يظل هذا المانوال مع المتدرب طيلة ايام الكورس فلا تجعله يستنبط كل ما بالكورس.

5- معلومات

في العروض التوضيحية بالداتا شو لا يظهر سوى كلام بسيط وصور وفيديوهات انما في المانوال ضع المعلومات التي تريد ان تيسر علي المتدرب تذكرها بسهولة فيما بعد ضع معلومات قيمة يجعله يحتفظ بالمانوال.

6- قائمة المراجع

اكتب المراجع التي يستطيع المتدرب الرجوع اليها فيما بعد والحصول علي معلومات اكثر في الموضوع الذي دربتهم عليه وشرحته لهم وهذه ايضا هامة جدا وقد تفيد الكثير.

7- الاشكال البيانية

ربما تستخدم اشكالا بيانية او flow charts ارسمها في المانوال ليسهل عليهم تذكرها فيما بعد مثلها مثل المحتوى الهام.

8- الشكل العام والغلاف

تذكر ان الشكل العام والغلاف من اهم ما يجذب الاشخاص في طبيعتهم لشراء الكتب والحفاظ عليها حاول ان تفعل ذلك ايضا في المانوال.

قد يظن البعض ان المانوال لابد وان يحتوى علي كل هذا اطلاقا فهناك من يصنع منوال بحجم كف اليد به فقط نصائح ليستمر معك دائما ويبقي وهناك من يصنع مانوال به كل ما سبق هذا يعتمد علي المحتوى التدريبي الذي تريد ان تدربه وتذكر ايضا ان المانوال فقط اداة مساعدة وليس به كل شئ .

لماذا انتشر التعليم المدمج؟ ?Why does blended learning spread

اولا : ما هو التعليم المدمج Blended learning :-

التعليم المدمج هو دمج ما بين التعليم الاون لاين والاوف لاين دمج ما بيت التعليم في قاعات التدريب والتعليم باستخدام التكنلوجيا والانترنت والاستفادة من العصر الذي نعيش فيه بشكل كبير.

أجمع خبراء التدريب علي ان التعليم المدمج وما يحمله من تعليم عن بعد Mobile learning هو الاتجاه العالمي الحديث لتطوير عالم التدريب وزيادة فاعليته علي الرغم من اهمية التدريب الفعالة داخل قاعات التدريب وداخل بيئات التعلم.

ثانيا : لماذا انتشر التعليم المدمج ؟:-

سنذكر هنا 3 اسباب لانتشار التعليم المدمج

1- وجود الانترنت في المنزل والعمل اصبح اساسي.

اصبح اساسيا ان يتواجد الانترنت في مختلف البيئات فيمكننا استخدامه في المنزل وفي العمل, معني ذلك انه سيتم استخدام التعليم المدمج حتى في بيئات العمل المختلفة وفي اي بيئة يتواجد فيها الانترنت.

2- الحاجة للحصول علي الكورسات باسعار مناسبة وفي اوقات مناسبة.

هذا ايضا وفره التعليم الالكتروني لانه من السهل الان ان تحصل علي كورس بالمواصفات التي تريدها حتى انه اصبح هناك محركات بحث للمواقع التي تقدم كورسات وتستطيع اختيار المستوى والسعر الذي تريده للكورس الذي تريد ان تتعلمه.

3- التعليم يدخل في كل شئ وفي كل وقت.

يدخل ضمن التعليم المدمج التعليم حول بيئات التعلم ما بعد قاعة التدريب وماغير التعليم عن بعد مثل التعليم الغير رسمي Informal training له بالغ الاثر خصوصا في داخل الشركات وانتشار وارتباط مفهوم الCoaching بالمدرب طوال فترة تواجده داخل الشركة واينما تواجد.

هناك الكثير والكثير من الاسباب الاخري لانتشار التعليم المدمج Blended learning وان شاء الله سنفصل في المقالات القادمة اكثر عنه وعن كيفية استخدامه وربما نخصص المواضيع اكثر حول التعليم عن بعد Mobile learning واساليبه وتقنياته .