ازاي تبدأ الكورس والتدريب ببداية قوية (نصائح من بوب بايك)

بوب بايك بيقول ان من اسوأ البدايات انك تخلي كل متدرب يعرف نفسه يقول اسمه وخلاص وان في 3 نصائح لازم تاخد بالك منهم وتحققهم علشان تعمل بدايات قوية زي ما هو بيسميها 

"Openers"

1- كسر الحالة المسبقة.

ودا ممكن يتم عن طريق ضم المتدربين كلهم اثناء كسر الحاجز. انت ممكن تتجاهل المدرب في البداية لكن صعب تتجاهل مهمة هو قالك عليها علشان تنجزها ودا بيدي نوع من تحفيز للمتدربين بالبدء. مش معني ان واحد من المتدربين بيعرض شئ ما انت قولتله يقوله معناه انه عقليا الكل معاك ومعاه حتي هو نفسه علشان كدا الاهم انك تجمعهم حوالين شئ ما.

2- تسهيل التواصل والمشاركة.

"عندما يزيد التوتر, يقل مستوي التركيز" .. عندما يحضر المتدربون الدورة التدريبية يتساءلوا هل سيناسبني هذا البرنامج هل هو مناسب لي ؟!

ودا بناء علي اختلاف الثقافات لان كل واحد بيبص لخبراته التعليمية السابقة. كل دا بيخلق نوع من التوتر البداية القوية تمحي تكرار الاسئلة دي في ذهن المتدربين.

3- ربطها بموضوع التدريب .

في اغلب التدريبيات بيبقي عندك نوعين من المتدربين نوع بيحب العملي ونوع بيحب المعلوماتية وانه يكتسب اكبر قدر من المعلومات. الشخص المعلوماتي ممكن يعمل اي شئ اما الشخص العملي هيعمل الحاجة اللي يلاقيها مناسبة لهدفه اللي كان سبب في حضوره الكورس.

هذه ثلاثة نصائح من بوب بايك لعمل بداية قوية .