7 دروس تدريبية من TEDx

في أقل من 18 دقيقة..عليك أن توصل فكرة يمكن أن تغير العالم..فكرة تستحق الإنتشار...فكرة مبتكرة وجديدة لتلهم وتحفز وتعلم ! هذه هي مهمتك عندما تتم دعوتك للتحدث في مؤتمر تيد باختصار ! إذا كنت مثلي من عشاق مشاهدة فيديوهات TED and TEDx..فلا شك انك تملك كما غزيرا من المعلومات والأفكار الجديدة لمختلف الموضوعات والقضايا حول العالم. وبحس المدرب ، أراقب أساليب الإلقاء خاصة من كبار المتحدثين العالميين لأتعلم واستفيد.. خرجت من ادماني لـ TED بهذه الدروس التدريبية التي يمكنك فورا تطبيقها في أي عرض تقديمي أو دورة تدريبية :

1- اجعل عروضك بصرية : استخدم الصور بكثافة شديدة..لا اكاد اشاهد أي عرض في تيد إلا ويستخدم المتحدثون ما لا يقل عن في المتوسط عن 25 شريحة عبارة عن صورة كبيرة وأحيانا يضيف كلمات قليلة لتوصيل النقطة. يؤسفني سوء استخدام الـ Powerpoint وتطبيق قاعدة 6*6 أي كحد اقصى للشريحة..استخدم ست سطور بحيث يحتوى كل سطر على ست كلمات !!! انا أرفض هذه القاعدة جملة وتفصيلا...يستحيل للمتدرب ان يقرأ وأن يتابع كل هذا الحشو !! الحد الأقصى هو فكرة واحدة مبسطة لكل شريحة مع صورة حقيقية واضحة توصل الفكرة. شاهد سيث جودين أعظم خبير تسويق في العالم في عرضه في تيد..فقط صور : http://bit.ly/1mrz3lC

2- أجعل عرضك شخصيا : أي استخدم قصصا من حياتك الخاصة..صورا من البومك لتوصل افكار تعليمية مؤثرة...تحدث عن نفسك في سياق البرنامج او العرض. سيتأثر المتدربون أضعافا عندما يشعرون بأن محدثهم انسان وليس مجرد مؤدي. ولكي تقيس مدى شخصنة محتواك..اسأل نفسك : هل يمكن لشخص اخر ان يقدم نفس العرض كلمة بكلمة ولا يشعر الحاضرون بأي فرق ؟ اذا كانت الإجابة نعم..فأنت تحتاج لمراجعة جادة. شاهد بيل جيتس وميليندا في حوارهما في تيد وكيف استخدما قصتهما وصورهما الشخصية في تنزانيا لتوصيل رسالتهما : http://bit.ly/1oCLYmM

3- فاجأ جمهورك بشيء غير متوقع : يعرف بيل جيتس برسمية وعلمية عروضه التقديمية..فدائما تكون محشوة بالإحصائيات والتفاصيل التقنية الدقيقة. ولكنه طور من نفسه مؤخرا واستخدم تقنية مفاجأة الجمهور بشكل بارع في خطبته الشهيرة في تيد Mosquitos, Malaria, and Education في الدقيقة الرابعة. يمكنك انت كذلك ان تحضر مفاجآت من هذا النوع لتوصيل فكرتك بشكل ممتع. هذا ما يسميه خبراء العقل ECM : Emotionally Charged Moment

4- تحدث ودرب دائما فيما تعشق وتؤمن : شغفك بما تطرح ينعكس جليا على لغة جسدك ونبرة صوتك ورغبتك في تحفيز الجمهور للايمان بما تقول. يظهر ذلك واضحا على معظم متحدثي تيد المحترفين حيث انهم يمتلكون افكارهم..لذا فهم أشد من يؤمن بها.

5- احكي العديد من القصص : دراسات على موجات الدماغ تؤكد ان القصة تجذب كامل انتباه الدماغ دونا عن أي طريقة أخرى لتوصيل الأفكار. شاهد كيف استخدم الدكتور عمرو الفص قصة حياته المهنية ليلهم الجمهور ثم استخدم قصة أخرى في الختام : http://bit.ly/1oIton7

6- الممارسة إلى حد الملل : باحثة العقل الدكتور Jill Polte صاحبة خطبة تيد المعروفة بـ Stroke Of Insight تقول أنها مارست هذه الخطبة أكثر من 200 مرة قبل إلقائها في تيد. ويبدو ان نتيجة الممارسة جنث الثمار حيث شوهد هذا الفيديو ما يقرب من 3 مليون مشاهدة !! مارس الى أن تجعل المحتوى كأنه محادثة عادية مع صديق وستجني الثمار دائما.

7- تعلم كيف توصل أفكارك في اقل الوقت : إذا اردت ان تختبر مدى وضوح وسرعة وصول فكرتك..طبق عليها اختبار Index Card Test..فهل يمكن ان تكتب فكرتك في بطاقة صغيرة بحيث لا تزيد عن عشر كلمات ؟؟ نميل بطبعنا الى التحدث كثيرا والتفصيل بلا داعي..تظل قاعدة الـ 18 دقيقة في تيد ثقيلة على البعض كما حدث مع انتوني روبنز الذي اجتاز الوقت في عرضه http://bit.ly/1eKbjS7 ولكن كما يقول دافنشي "Simplicity is the ultimate sophistication". إذا أردت ان تبدو عميقا معقد المحتوى..كن بسيطا 

كتبه : د.أحمد مجدي

خبير الكوتشنج وتطوير الأداء

مؤلف كتاب ثاني أكسيد النجاح

Senior Training Specialist job

Dakahlia Group is seeking to Hire Senior Training Specialist to join its team 
Qualification : 3 to 5 year experience in training , HR diploma from respectful institute are a must
Location : Nasr City
interested candidates should send their updated resume mentioning "training" at subject line to 
i.abonar@dakahlia.com

active learning التعلم النشط

فلنتعرف اولا الي تاريخ التعلم النشط و متي بدأ قبل ان نتعمق في فهم هذا المصطلح سواء في هذا المقال أو المقالات القادمة ان شاء الله.

فالتعلم النشط قد بدأ ثمانينات القرن الماضي و لكنه انتشر و أصبح شائعا في التسعينات من قبل (ASHE) و هي الجمعية الامريكية للتعليم العالي.

و يركز التعلم النشط علي أن يقوم المتعلم بالقيام بالأشياء بدلا من الاستماع و بالتالي فهو عليه أن ( يقرأ و يكتب و يناقش و يكون متداخل في عملية التفكير في مسألة معينة أو حل المشكلات).لذا فعملية التعلم يجب أن تكون مرتكزة حول المتعلم (Learner Centric) و يكون المنهج موضوعا بحيث يصل في النهاية الي الأهداف الموضوعه سابقا لعملية التعلم.

بالنسبة للأهداف من عملية التعلم قد تتعلق بــ (المعرفه- اتقان مهارة - السلوك) و هناك نموذج مشهور هو KSA أي (knowledge-skill-attitude).و من المهم جدا تحديد ما اذا كنت ستركز علي أي جزء من نموذج KSA حتي تستطيع قياس ذلك و بالتالي معرفة اذا كان المتعلم وصل للأهداف المرجوة أم لا.

و هنا سوف نتعرض لبعض مبادئ التعلم النشط، فالتعلم النشط يجب أن:

·        يراعي في الأنشطة ان تكون مناسبة للفئة المستهدفة و اهتمامات المتعلم.

·        يركز علي ما سيعكسه ما تم تعلمه علي المتعلم.

·        يتيح مساحة للتفاوض في الأهداف و في الوسائل بين المعلم و المتعلم.

·        يكون هناك تنوع في أساليب و طرق توصيل المحتوي.

·        يبني علي موقف حتي نستطيع وضع مهام للمتعلم اثناء عملية التعلم.

·        يحتوي علي مواقف من الحياة كجزء من عملية التعلم حتي نعكس ما نتعلمه علي مواقف حقيقية.

و لنتعرض معا للاستراتيجيات الشائعة في التعلم النشط مرتبة من الأسهل الي الأكثر تعقيدا و شرح لبعضها أيضا:

Clarification Pauses: هو أسلوب بسيط يهدف إلى تعزيز "الاستماع الفعال"في المحاضرة، لا سيما بعد ذكر نقطة مهمة أو تحديد المفهوم الرئيسي،فيتم التوقف والسماح للمتعلم بالسؤالعما اذا كان يحتاج أي توضيح. أو يتم  الطلب من الطلاب مراجعة ملاحظاتهم وطرح الأسئلة على ما تمت كتابته حتى الآن.

Minute Paper: و هي من الأنشطة التي تعتمد علي الكتابة.و تقوم بها عن طريق ان تطلب من المتعلم أن يخرج ورقة فارغة. ثم اذا كنت تشرح مثلا استراتيجيات التعلم النشط فيكون السؤال اكتب قائمة عن فوائد استخدام استراتيجيات التعلم النشط و لديك دقيقتين لكتابة الاجابة.

Self-Assessment: التقييم الذاتي و هو يتضمن قائمة  بمجموعه من الأفكار التي يتناولها المنهج الذي سيتم تعلمه و هي عادة لا تحتوي علي درجات و لكن الهدف منها عندما تسلم للمتعلم في بداية التدريب هي وقوفه علي مستواه و تحديد الأجزاء التي لا يجيدها.

Large Group Discussion: يقوم المتعلمونبمناقشة جماعية حولموضوع مبني على قراءة أومشاهدة الفيديوأو مشكلة. و يقومالمعلمبإعداد قائمة من الأسئلة لتسهيل المناقشة.

Think-Pair-Share: يتم اعطاء المتعلم مشكلة ليقوم بحلها بمفرده ثم يقوم بمناقشتها مع شريك للوصول الي حل مشترك و بعد ذلك مشاركة الحل مع باقي المجموعه.

Cooperative Groups: قم بتوزيع سؤال علي كل مجموعه و بعد ذلك قم بالتحرك بين المجموعات للاجابة عن اي استفسارات و لسؤالهم مزيد من الأسئلة و أيضا لتحافظ كل مجموعة علي تركيزها و هكذا دواليك.و بعد مرور الوقت الكافي للمناقشات الجماعيه اطلب من كل مجموعه أن تشارك النقاط التي وصلوا لها مع باقي المجموعات.

Peer Review: يتم سؤال المتعلم لاكمال مهام منزلية ثم يأتي في اليوم التالي ليعطي نسخة من الحل للمعلم و نسخه لشريكه،و يكون الهدف من ذلك تقييم الحل بالدرجات و الحصول علي الرأي أو تصحيح الأخطاء و حل المشكلات.

Group Evaluations: هي نفس الطريقة في النقطة السابقة و لكن تقوم بها مجموعات لتقييم العروض التقديمية و الهدف هو تحديد جودة المحتوي المقدم و طريقة توصيل المعلومة.

Brainstorming: تقديم موضوع أو مشكلة للمتعلم و منحهدقيقة لكتابة أفكاره، ومن ثم تسجيلها على السبورة.

Case Studies: دراسة الحالات باستخدام القصص الواقعية التي تصف ما حدث للمجتمع والأسرة، والمدرسة، والصناعة أو فرد ومطالبة الطلاب بدمج المعرفة التي حصلوا عليها في صفوفهم مع معرفتهم بالحالات في العالم الحقيقي، وبالإجراءات، وما يترتب عليها.

Hands-on Technology: و هو استخدام التكنولوجيا عن طريق أنظمة المحاكاة.

Role Playing: تمثيل الأدوار و هو بالطلب من المتعلم تمثيل جزء مما تم تعلمه للوصول لفهم أفضل للمفاهيم و النظريات التي تم تناولها.

Jigsaw Discussion: يتم تقسيم المحتوي الي اجزاء و لكنها مترابطة و يتم اعطاء كل جزء لمتعلم ليقوم بدراسته حتي يصبح خبيرا فيه ثم يقوم بشرحه لبقي المجموعه و هكذا حتي يتم تغطية كل الأجزاء.

Forum Theater: تطلب من المتعلم الوصول لحل لمواقف معينة ثم عرض هذا الحل عن طريق التمثيل.

كتب هذا المقال المدرب / محمد يسري

يعني ايه Gamification ؟

Gamification

مصطلح جديد يبدو غير مألوف وفعلا يعني ايه Gamification ؟!

علشان نتكلم في الموضوع باستفاضة محتاجين مقالات علي الاقل لمدة 10 ايام كل مقالة دسمة علشان نقدر نغطي اجزاء كبيرة منه ودا اللي هنعمله بداية من النهاردة ولمدة 10 ايام قادمة ان شاء الله علشان نشرح بتفصيل يعني ايه Gamification

في البداية خلونا نفرق مابين شوية مصطلحات علشان نفهم مصطلح الـ Gamification يعني ايه ؟!

اولا : يعني ايه Game :-

الـ Game هي لعبة هدفها ممكن يكون بلا معني ممكن يكون بس لمجرد المرح والفرح زي العاب الـ Video game كان في العاب كتير بنلعبها تفضل تقاتل لحد ما تقابل الوحش في النهاية وتغلبه وخلاص كدا هييييه :D ... في مكسب وخسارة بس مفيش هدف تعليمي واضح زي ما قلنا

ثانيا : يعني ايه Game-based learning :-

ودا النوع اللي بيعتمد علي هدف تعليمي اثناء اللعب زي مثلا بنك الحظ اكتر واحد هيبقي معاه الفلوس لكن في كمان objectives تانية وهي ان كل واحد من الناس بيبدأ يلعب علشان يبقي معاه فلوس كتير وبالتالي بتتعلم مهارات التفاوض واوقات مهارات الاقناع اثناء المزادات وهكذا ومع تطوير اللعبة دي في شاب مصري عمل لعبة اسمها Business county اللعبة دي بتعلمك بشكل صريح مهارات التفاوض والاقناع وريادة الاعمال وكل ما تحتويه من مهارات فعلا لعبة ممتازة مبنية علي اهداف تعليمية واضحة.

ثالثا : يعني ايه Gamification بقي ؟!

الـ Gamification هو انك تـ create حاجة زي لعبة باهداف تعليمية وفي جو تدريبي واوقات كتير بتخلق اجواء اتصال بين المنافسين وبعضهم سهلة وتقدر تعملها كمقدم العملية التعليمية لاي موضوع تعليمي هيناسبة الاسلوب دا من التدريب انت بتطبق كل اساليب اللعبة في حاجات هي اصلا مش لعبة لكنها بيتم تطبيقها في نطاقات اخرى زي التسويق مثلا ككورس او مجالات الادارة او الـ soft skills ليست كلعبة لكن بعناصر اللعبة.

تقدر تقول دا التطور الطبيعي للـ Game يوصل لمرحلة الـ Gamification بشكل مختلف والسؤال المهم اللي اكيد بيدور في اذهانكم طب هما ليه عاوزين يحولوا التدريب الي شكل وطابع الـ Game بس داخل اطار تعليمي والاسباب الاساسية ان في عملية التعليم بنشوف العامل النفسي للمتدريب والحقيقة ان الارتباط الواضح بين البشر كلهم اثناء الالعاب انهم بيتحفزوا ليها ومن هنا جت نظرية مهمة جدا في الـ Gamification وهي الـ self-determination theory (SDT) يعني ايه الدافع اللي بيخلي الناس تحس بالاستقلالية وتحديد المصير الخاص بيهم وبالتالي يخليهم عاوزين دائما الجديد فيتعلموا اكتر ولقوا 3 حاجات اساسية لو اتحققت الناس دي هتتعلم بسهولة 

1- الناس بتتحفز لما بتاخد قرارات خاصة بيها مستقلة ودا بيحصل في اي لعبة انت بتاخد مصير دورك في اللعبة واللي انت بتمثله.

2- الناس بتتحفز لما بتحس بالتنافسية لازم اكسب واكون نقاط كتير علشان مخسرش.

3- رغبة الناس في تكوين ارتباطات وانهم يكونوا من جزء من عملية منظمة ليها هدف دا بيسعدهم وبيكون جواهم رغبة بالاستمرار وحافز مستمر.

التلت حاجات دول هما المحركات الاساسية في الـ games وهما المحركات الاساسية في الـ gamification.

دلوقتي في حاجة مهمة هي ايه عناصر الـ gamification ؟!

عناصر الـ Gamification كتيرة ومختلفة ومتنوعة وبتختلف من Game لـ Game

1- الاهداف والقواعد الارشادية rules and objectives

اول واهم عنصر من عناصر الـ gamification وفيه بيتم شرح التعليمات والتوجيهات اللي هيستخدمها المتنافسين والفرق اثناء اللعب ودور كل واحد ايه في اللعبة وبيتم شرح باقي العناصر من خلالها ولازم تكون 

* مصممة بتعليمات وتوجيهات واضحة للمتدربين.

* مرتبة بحيث ان تبدأ التعليمات والاهداف من هدف صغير يتحقق في كل خطوة لحد ما يتحدد هدف كبير وهكذا تقسم الاهداف الكبيرة لاهداف صغيرة وخطوات.

* لازم تكون تحفيزية علشان تتنفذ بعد كل خطوة او مجموعة خطوات في الحافز اللي يحرك للي بعدها وهكذا.

فيها مين هيكسب ومين هيخسر .. الحركات اللي هتتم اثناء اللعب .. الاستراتيجية ومستوى المجهود المختلف في كل مستوى.

في حاجة اسمها الـ Learning objective ودي بقي بشكل عام الهدف من اللعبة ايه وعاوزين نوصل لايه.

2- المنافسة والخلاف والتعاون

الخلاف بينشأ علشان هدف معين بين المتنافسين وغالبا بيكون بين الفرق وبعضها اما التعاون فا المقصود بيه التعاون بين التيم الواحد وبعضه ممكن تعمل لعبة المنافسين فيها فرق دول بتعمل بينهم منافسة واختلافات وخلافات طبعا حسب القواعد الارشادية علشان تضفي جو المنافسة اما التعاون فبيبقي بين الفريق وبعضه علشان التماسك ودا مش شرط اساسي لكن دا شكل من اشكاله.

3- التغذية العكسية Feedback 

في انواع كتير من الفيد باك منها 

* التغذية العكسية التأكيدية Confirmational feedback

ودا بيشير الي ان الفعل او النشاط اللي تم دا صحيح ام خطأ من غير ما يصححه.

* التغذية العكسية التصحيحية Corrective feedback

وهنا بيقول ان الفعل اللي تم خطأ مع تصحيحه

* التغذية الرجعية التفسيرية Explanation feedback

بيدعم التغذية العكسية التصحيحية لماذا كان الفعل خطأ بتفسيرات .

* التغذية العكسية التشخيصية Diagnostic feedback

بيفسر ليه الاختيار الخاطئ للفعل تم اختياره ودا ممكن يكون بتوجيه معين مثلا لسلوك المنافسين وبعد الوقوع في الخطأ يتم التعديل.

* التغذية العكسية الطبيعية Natural feedback

وهنا بيتم التأكيد علي ان الفعل دا هو الفعل الطبيعي اللي بيتم في الواقع

* التغذية العكسية المصطنعة او الزائفة Artificial feedback

ودي بتقول ان الفعل دا مش هيحصل في الواقع.

4- الجوائز والانجازات rewards & achievements

بيتم اعطاء المتدربين جوائز في حال انجاز مهمة معينة او خطوة معينة من خطوات الهدف. الاكثار من الجوائز يفقد اللعبة قيمتها وربما يفقد المتدربين نفسهم الحافز لتخطي الخطوات والوصول للمستوى التالي او اخذ المخاطرة حتى ان وجد لذا لا تكثر من استخدام الجوائز.

5- النقاط والشارات والمتصدرون points, badges & Leaderboard

النقاط هي تساعد اللاعبين انهم يتقدموا في الخطوات المرسومة من خلال التعليمات اثناء اللعبة

اما الشارات فهي عبارة عن جائزة لانجاز مهمة غير محسوبة للجوائز وتشكل علامة مميزة

المتصدرون هم من يحصلون علي اعلي مجموع score ونقاط 

6- المستويات Levels

علشان تضيف لمسة المنافسة والحيوية علي الـ gamefication وعلشان تشارك الخبرات الكتير المختلفة شكل اكثر من مستوى كلما اجتازوا مستوى بدأوا في الاخر.

احيانا يلجأ المدربين المصممين للـ gamification انهم يصنعوا 3 مستويات مبتدئ ومتوسط ومتقدم وكل متدرب بيشارك حسب المستوى اللي فيه خبرته طبعا حسب تصميمك انت للعبة .

7- القصصية Storytelling

وهي ربط التعليمات وعناصر الـ game في اسلوب قصصي ليزيد الاندماج وبيكون في عناصرها الشخصيات وفكرة الالغاز والشد والجذب والحلول والقرارات.

8- الفشل واعادة المحاولة Failure & replay

اتاحة الفرصة للمتدربين لان يفشلوا تساعد علي تحسين السلوك في المرات المتتالية لكن ربما يؤدي الى ملل والدخول في دوامة ان اللعبة غير قابلة للانتهاء وحتى ان حددت انتهاءها بشروط ربما تفقد حافزية الاستمرار حسب شروط اللعبة يمكنك استخدام هذا العنصر.

9- المجموع score

لازم يكون واضح جدا لكل متدرب المجموع ودائما يستخدم المجموع لقيادة اللاعبين لسلوك معين وتوجيههم من تعليمات لتعليمات اخرى بحسب مجموعهم.

دا بشكل عام ايه هي الـGamification وايه هي عناصره في المقالات الجاية ان شاء الله هنتكلم عن تصميم الـ gamification وهنجيب امثلة للـ gamification في اشكال مختلفة من تطبيقاتها علي تدريب قطاع البيزنس والـ soft skills

Instructional Designer Job

Employer  Nahdet Misr Publishing House
Job Title  Instructional Designer
 
Vacancy Deadline(mm/dd/yy) 6/6/2016
 Languages  English, Very Good
Country  Egypt
City  Giza
Job Category Publishing / Publication, Teaching, Education
Job Type Full Time
Job Level  Junior
 - Apply instructional design theories and practice - Develop innovative ideas for e-Learning resources - Work effectively with colleagues to create compelling and engaging deliverables - Create supporting material/media (audio, video, simulations, role plays, games etc)
Qualifications - Bachelor degree in any discipline (educational technology or similar, highly preferred) - E-Learning Diploma from accredited center, highly preferred - Excellent knowledge of learning theories and instructional design models - (1-4) years of working experience in instructional design - Very good eye for detail - Organised with a "can do" attitude
Gender Any
Car owner  no
Experience 1 - 2 Years.
Salary (L.E.) Negotiable
Job Contact Email ☛ Please send your updated resume to: recruitment@nahdetmisr.com ☛ Please mention the (ID/AMCHAM) in the email Subject

Trainer (Middle East - Dubai) at Cengage Learning EMEA

Trainer (Middle East - Dubai)

ازاي تخلي المتدرب يوصل لمرحلة التعلم الذاتي Self-Learned ؟

كتير من المدربين مبيبقوش فاهمين هو ليه الناس مخرجوش مستوعبين كل اللي اتقال ؟!

او يسأل نفسه بعد الكورس هو ليه الناس مستفادتش علي الرغم من المعلومات الجديدة ؟!

جانب من دا كنا اتكلمنا فيه قبل كدا في مقالة " ازاي تسرع عملية التدريب " لكن اللي هنتكلم فيه دلوقتى هو مراحل التعلم اللي بيوصلها المتدرب بناء على الانشطة وشكل التدريب اللي بقوم بيه 

الشكل اللي قدامنا دا بيوضح المراحل المختلفة اللي بيوصل لها المتدربين اثناء تحكمهم في عملية التعليم يعني النقطة (a) المدرب هو اللي متحكم تماما في كل عملية التعلم وفي النقطة (i) المتدرب هو اللي متحكم تماما في عملية التعلم 

السؤال المهم بقى " هو ايه اللي بيحصل علشان يوصل المتعلم للتحكم الكامل في عملية التعلم ويوصل لمرحلة Self-learned ؟! "

في النقطة (a) التركيز بيكون علي الالقاء وهنا بيبقي عرض تقديمي Presentation المحاضر بيلقي معلومات والناس بتستمع ولو في تفاعل هيبقي سؤال تفاعلي ليس اكثر ودا اكتر حاجة بتخلي المتدرب عمره ما يوصل للتعلم الذاتي واحيانا بيفقد كل المعلومات اللي بتتقال لانه مشاركش في اي شئ فيها.

في النقطة (b) استخدام structured activities وهنا المدرب بيكون كون مجموعة من التمارين وجمعها في نطاق موضوع معين ونفذها بالتفاعل مع المتدربين الى حد ما دا افضل من النوع اللي قبله لانه بيبقي فيه تفاعل وبيدي جزء للمتدربين يتحكموا في عملية تعلمهم.

من c ل d مناقشة المجموعات Group discussion وهنا اغلب التدريب بيكون عن طريق ان المتدربين بيتقسموا مجموعات وبيتطلب منهم عصف ذهني او مناقشة شئ او مجموعة من التعليمات لتمرين بيتبعوها دي افضل كتير من النقاط اللي قبلها وبتخرج من المتدربين خبرات اكتر وبتخلي في تفاعل اكبر.

من e لـ f دراسة الحالة case study المدرب بيجهز معلومات حول حالة معينة ويضع تعليمات الدراسة والبنود المفروض تناولها اثناء الدراسة ويترك المتدربين في عالم التطبيق اللي هو صنعه ودا بيكون افضل كتير من سابقه.

النقطة (g) المحاكاة simulation بيتم ترتيب المكان او مجموعة اماكن بتعاليم كأنها فعلا البيئة اللي مطلوب التدريب عليها سواء شركة او مصنع او مكتب او اي شئ علشان يستفيد استفادة قصوى بان الشخص هيتدرب علي الحاجة اللي فعلا بيواجهها.

النقطة (h) جولة تعليمية study tour دا شكل افضل للتعلم من سابقه لانه بنزلك المكان نفسه اللي فيه هتشوف كل حاجة في الواقع دا اوقع كتير في عالم التدريب ودا اكتر بيتطبق في التدريبات الفنية لكن يمكن تطبيقه علي المهارات الذاتية والادارية.

النقطة (i) افضل شكل للتعلم هو التجربة والخطأ trial & error انك تخلي المتدرب بنفسه يغلط وبعدين تصلحله الخطأ دا وقتها هيتعلم الحاجة بشكل قوى وهيبقي في مرحلة الـ self-learned في المرحلة دي هو هيبقي قادر علي التعلم بنفسه

في حاجة مهمة جدا جدا ان المرحلة الاخيرة اللي هي التجربة والخطأ بتدي تحكم كامل للمتدرب في عملية التعلم والمرحلة الاولى بتدي تحكم كامل للمدرب ... والسؤال " ازاي اعمل مزيج مابين كل دا بحيث ينجح التدريب بتاعي ؟" دا السؤال اللي هنجاوب عليه في المقالة الجاية ان شاء الله :)

HR Training coordinator

Koki - Americana is looking for :
HR Training coordinator - 2 years experience in training 
Location : 10th of Ramadan City
Male only 
Age up to 28
Please if you are interested send your CV
aelyamany@cppcamericana.com
Mentioning ( Training coordinator ) in the subject

ازاي تسرع عملية التعليم وتخلي المتدربين يستقبلوا كل المعلومات ؟!

بعد كل دورة تدريبية اي مدرب بيسأل نفسه .. " المتدربين وصلهم كام في المية من اللي كنت بشرحه ؟!"

الكلام في الموضوع دا كبير شوية وكنا اتكلمنا علي ان الناس بتستوعب 90% من اللي هما بيقولوه وبيعملوه ودا بيجي بالتطبيق لكن كمان في حاجة مهمة جدا هنتكلم عليها في المقالة دي وهي ان مينفعش تخلي 100% من المعلومات اللي بتتقال جديدة وبردو متبقاش كلها قديمة دي النقطة الجوهرية اللي لازم تستوعبها كويس وتطبقها كمان في كورساتك بحذر كمدرب.

تعالوا نشوف ازاي تم تناول الموضوع دا في كتاب : " Design for how people learn  " 

في الصورة دي تمثيل لعملية التعلم اثناء مراحل تزويد مستمر للمعلومات متشبهة بواحد راكب عجلة كل شوية تزود معلومة وتزيد الدراجة صعوبة اثناء صعوده جبل والمشقة بتزيد دا بالظبط اللي بيحصل اثناء القاءك للمعلومات المتتالية اللي كلها جديدة طب تعالوا نشوف العقل بيستوعب منها ايه وبيلغي منها ايه 

زي مانتو شايفين في الصورة دي التأثير العقل تقريبا لغى نص المعلومات لانه مش قادر يستوعب اكتر من اللي توصل اليه وبالتالي بيحصل فقد كبير جدا وكتير في المعلومات والرد الطبيعي بعد الكورسات او المحاضرات اللي من النوع دا "ان الموضوع محتاج شهر مش كورس او محاضرة في يوم ؟!"

تعمل ايه بقي علشان توازن الموضوع دا 

دلوقتي الوضع اختلف شوية وبقي افضل لان المتدربين جم في اوقات وبدأوا يستقبلوا منك اكتر بس خلي بالك ان الطريق متعرج يعني انت محتاج تدي معلومة جديدة وبعدها معلومة خفيفة وشوية وتقول معلومة جديدة وبعدها حاجة قديمة هما عارفينها ودا سهل التطبيق جدا في الـ Active learning لانك ممكن تطلب منهم حاجات يعملوها تطلع منهم خبرات هما عارفينها بالفعل بعديها تديهم ورشة عمل فيها حاجة جديدة دا بيخلي التدريب خفيف ومرن جدا

الميزة في انك بتدي معلومة معروفة بالنسبة ليهم وبعدها معلومة جديدة دا بيكسبهم سرعة في التعلم ومش بس كدا بيخلي عقلهم قابل لانه يستوعب معلومات جديدة باستمرار ومركزين معاك ودا بيمكنك انت كمدرب توصل للـ 90% تذكر.

في المقالات الجاية هنقول امثلة وتطبيق علي الموضوع دا باستفاضة اكتر نتمنى انه يكون اعجبكم :) 

ما هو التدريب والتعليم الالكتروني ؟ وكيف نستخدمة بشكل فعال ؟

اولا ما هو التدريب الالكتروني او بشكل اشمل التعليم الالكتروني ؟

التعليم الالكتروني او الـ E-learning في كثير من الاوقات يعتبره الناس نوع من التدريب الغير مفيد او الغير فعال الا انه بعد انتشار التعليم الالكتروني من خلال المواقع الكثيرة مثل Udemy و coursera و غيرها من المواقع التي تتيح للجميع ان يتعلموا في اماكن مختلفة وتوقيتات مختلفة اون لاين من خلال متابعة كورسات مسجلة كان لها بالغ الاثر في اظهار فاعلية التعليم الالكتروني.

التعليم الالكتروني نوعين

1- اختلاف المكان لكن نفس التوقيت :-

في كثير من الاحيان يكن التدريب من خلال اختلاف الاماكن بمعني ان المتدربين ليسوا في مكان واحد كل متدرب في مكانه والمدرب في مكان اخر لكن التدريب بيبقي في نفس التوقيت من خلال اكتر من حاجة

* يوتيوب هانج اوت Youtube hangout

وفي اليوتيوب هانج اوت انت بتقدر تدخل تتكلم لايف مع المتدربين بتوعك من خلال ميزة الهانج اوت اللي بيوفرها اليوتيوب وفي الميزة دي انت بتقدر تشوف 10 من الناس معاك فيديو صوت وصورة من خلال جوجل بلس وكمان باقي الناس بتقدر تبعتلهم لينك من اليوتيوب ويشوفوك ويكتبولك كومنتات ويتفاعلوا معاك وهنبقي ننزل فيديو فيه كامل التفاصيل ان شاء الله.

* الغرف الصوتية

الحل التاني اللي ممكن تلتقي مع ناس في اماكن مختلفة لكن نفس الوقت هي القاعات الصوتية وفي امثلة كتير عليها زي

Click webinar

Wiziq

وغيرها كتير من الحلول والبدائل اللي ممكن تستخدمها وهنا بيبقي في مزايا حلوة اكتر زي ان المواقع دي بتتيحلك استخدام شهر مجانا قاعة صوتية يحضر فيها 25 متدرب وتقدر ترفع سلايدز ليك وتدي المايك لاي متدرب يتكلم الاجمل انك ممكن تشير الشاشة عندك لو بتشرح حاجة تيكنيكال مثلا وعاوز تعرضها.

2- اختلاف المكان واختلاف التوقيت :-

الشكل التاني للتعليم وهو الاكثر انتشارا الفترة دي وهو ان الناس بتبقي في اماكن مختلفة وبتتعلم في توقيتات مختلفة دا موجود من زمان زي مثلا فيديوهات اليوتيوب الراجل اللي سجل الفيديو فيه معلومات سجلها في وقت بس الناس اللي اتفرجت عليه شافته في توقيتات مختلفة غير بعضها وهو دا كمان اللي بيحصل في مواقع زي Udemy و Coursera الناس بتدخل في اوقات مختلفة تقدر تشوف الكورسات المرفوعة اون لاين.

كل الكلام اللي فات دا جميل جدا كتعليم اون لاين احنا بقي كمدربين نقدر نطور الشكل دا للتدريب ازاي ؟!

بص يا سيدي السؤال دا مهم جدا تسأله دايما لنفسك "هل لو انت اللي بتحضر الكورس الاون لاين ومجرد بتسمع صوت انت كدا بتتعلم وانت مستمتع ؟!"

التعليم الاون لاين زيه زي اي طريقة الواحد بيتعلم بيها وبردوا المدربين المحترفين بيطوروا فيه بدرجة عالية جدا احنا هنتكلم في المقالة دي عن مبادئ تخليك تتحول من مجرد واحد بيرمي كلام وخلاص في فيديوهات او قاعة صوتية لحد بيعمل الى حد ما تفاعل اثناء التدريب الاون لاين بس المراحل الجاية هنتكلم في حاجات اعمق وتطبيقات لاساليب احترافية في التدريب الاون لاين تخلي الناس تتعلم وهي مستمتعة معاك

طرق تزيد من تفاعل التدريب الاون لاين :-

* اعطيهم مهام Tasksادي كل متدرب من اللي معاك تاسك او مهمة يعملها ولو مجموعة فيديوهات خلي بعد كل مجموعة فيديوهات تاسك او مهمة المتدربين يقوموا بيها دا هيخليهم يبدأوا المحاولة وفي الغلط تابعهم وصلحلهم, بالشكل دا انت هتبقي فعال اكتر لانه اتحول من مجرد القاء معلومات للتدريب علي مهارة او شئ معين وياسلام لو كان كورس طويل وربطته بمشروع هيبقي حلو جدا ويفيد ويخليهم متابعين معاك باستمرار.

* دوما حافظ علي تفاعل من خلال السؤال والاجابةطريقة السؤال والاجابة الاون لاين احيانا كتير بتخلي المتدربين معاك نشطين ومنتبهين, اوقات كتير لما كنت احب اخلي الجميع منتبه معايا انطق اسماءهم اللي هما دخلوا بيها القاعة الصوتية واخلي اللي مبيشاركش يشارك كانت بتعمل تفاعل حلو وبيكملوا المحاضرة لاخرها.

* العصف الذهنياجعلهم دائما في مناقشة وفي مرحلة اعطاء افكار ومن حولها ابدأ الكلام, الطريقة دي فعالة جدا في المحاضرات خصوصا المجالات الادارية زي التسويق والموارد البشرية وغيرها بتخليك تنشط الناس جدا معاك.

* العرض علي شكل خريطة ذهنيةطريقة العرض المثالية اللي ممكن تخلي المتدربين بعد المحاضرة فاكرين كل حاجة انت اتكلمت فيها هي انك تحول البريزنتيشن علي هيئة خريطة ذهنية وممكن تخلي كل نقطة علي شكل خريطة مستقلة وتجمعهم في الاخر علي خريطة واحدة دا هيخليهم فاكرين كل شئ اتكلمت عنه.

* الفيديوهات والقصصالحقيقة زي ما هي ميزة كبيرة التدريب الاون لاين الا انه تحدي كبير لاي مدرب لانه لازم يمارس تمارين صوتية تخليه قادر يحكي قصص بشكل فعال علشان المتدربين فعلا متملش منه استخدامك للفيديوهات كمان هيخلي التدريب فعال اكتر من مجرد الكلام المستمر لكن التأثير الاقوى للقصص لو قدرت تحكيها بطبقات صوت فعالة متوافقة مع القصة نفسها.

ان شاء الله في المقالات الجاية هنتكلم اكتر عن طرق التعليم الاون لاين وازاي نطبق الـ Gamification في التدريب الاون لاين :)

Training Specialist (Vodafone)

http://goo.gl/D5escH

Training specialist at union group

Training specialist at union group

http://goo.gl/pDJGQ8

تحديد الاحتياجات التدريبية Training need analysis TNA

هو يعني ايه تحديد الاحتياجات التدريبية او ازاي اقوم بيه الـ Training need analysis TNA ؟!

في بداية اي عملية تدريبية لازم تعرف الاول هما المتدربين دول محتاجين يتدربوا علي ايه وهل هما فعلا محتاجين التدريب دا بقوة ولا في تدريب تاني أولى وأهم اننا نعمله ؟! هو دا باختصار دور الـ TNA

اللي بيستخدم الـ TNA بكثرة هما المدربين في الشركات لانه باستمرار لازم يقوم بيه مش دوره انه يروح يدي سيشن او كورس وخلاص لا دا متابع ومكمل ولازم يبدأ واحدة واحدة.

كمان بالاضافة لدا ان الـ TNA اصلا واحد من اهم العناصر في تصميم العملية التعليمية الـ Instructional design لو فرضنا نموذج ADDIE ودا اشهر النماذج في تصميم العملية التعليمية هنلاقي ان اول حرف Analyze وهنلاقي جواه وجزء منه الـ TNA.

طب بما ان الـ TNA دا مهم اوي كدا عاوزين نعرف انواعه وبيتعمل ازاي ؟!

انواع الـ TNA كتيرة ومتغيره حسب عوامل كتير جدا وفي منها انواع كتير جدا هنتكلم عن اهمها

الـ TNA للمؤسسة Organizational TNA :-

وفي النوع دا انت بتبدأ تشوف ايه احتياجات المؤسسة والاهداف اللي عاوزة تحققها وتلاقيها من خلال التدريب. بتحاول من خلال النوع دا تحلل احتياجات المؤسسة كاملة من اهداف واستراتيجيات ورؤيا لازم تتحقق من خلال الموظفين ومن خلالها بتشوف التدريبات المناسبة للبيزنس دا.

الـ TNA للافراد Individuals TNA :-

وفي النوع دا انت بتعمل تحديد احتياجات التدريبية للافراد في المؤسسة وممكن للافراد بشكل عام بس لو في المؤسسة بتراعي المهام الوظيفية اللي المفروض هما يقوموا بيها ويأدوها علشان تتلاقي مع الـ Organizational TNA وتقدر تحقق اهدافها بشكل صحيح.

في انواع تانية بس بتخضع اكتر لحاجة اسمها Needs analysis ودي اكثر تفصيلا من الTNA يعني احنا بنعتبر الـ TNA جزء منها وفي الـ Needs analysis بيبدأ يتحدد حاجات كتير زي Needs analysis للوظيفة وللتكلفة ولحاجات تانية كتير.

طب نيجي دلوقتي للحاجات اللي علي اساسها بعمل الـ TNA اللي عاوز اعمله

في ثلاث اشياء رئيسية بيتعمل عليها الـ TNA للافراد وهي الـمعرفة Knowledge والمهارات Skills والقدرات Abilities يعني لازم تحدد ايه المهارة بالظبط او الحاجة اللي انت عاوز تعملها تحديد احتياج تدريبي والمعرفة والقدرات اللي عاوز تعرف كل متدرب واصل لحد فين فيهم.

الطرق اللي بيتعمل بيها الـ TNA :-

تشبه اي طرق تجميع دانا وعمل بحث

* الملاحظة .

* استبيان.

* مقابلة وجها لوجه Interview.

* مقابلة المجموعة Focus group.

* اختبارات قياس المهارات Assessments.

* تقارير.

المدرب الحر ممكن يعمل الـ TNA دا في اول جزء من التدريب بتاعه لو اول مره يشوف المتدربين او يتواصل معاهم يومها لكن الافضل طبعا انه يكون قبلها علشان تقدر براحتك تحدد احتياجاتهم بدقة .

مثال علي الـ TNA خفيف وسريع :-

في كتاب اسمه How adult learn كتيب صغير كده لقيت الassessment دا بيقيس مدي قابلية الشخص للتعلم بالطرق وقسم الاجابات ل3 انواع رغم اني مش متفق اوي مع الassessment دا لانه مباشر في كتير من جوانبه ودا مش محبذ يكون في اختبارات القياس لكن ممكن يفيدكم ان شاء الله في كورساتكم وتستخدموها علشان تعرفوا هتنوعوا الوسائل ازاي 

smile emoticon

لو الاجابة طلعت من 1 ل 7 فالشخص دا بيحب يتعلم بالصوتيات اكتر - متعلم صوتي
لو الاجابة طلعت من 8 ل 14 فالشخص دا بيحب يتعلم بالحركة اكتر - متعلم حركي
لو الاجابة طلعت من 15 ل 21 فالشخص دا بيحب يتعلم بالادوات البصرية اكتر - متعلم بصري

الاسئلة في الصورة التالية

اهم حاجة في الـ TNA انه يتعمل بحذر وبحرص لانه بيتوقف عليه باقي اركان العملية التدريبية اللي هنتكلم عليهم في المقالات الجاية ان شاء الله :)

TNA,Assessments,اختبارات القياس,قياس المهارات,تحديد الاحتياجات التدريبية, Training need assessments

كارير التدريب Training career

ناس كتير بتسأل لو عاوزين ندخل مجال التدريب نبدأ منين ؟!

مفيش طريقة معينة هي الطريقة الوحيدة اللي ممكن تبدأ بيها التدريب وبيعتمد علي انت عاوز تشتغل في ايه بالظبط في التدريب حتى المقالة دي مجرد وجهة نظري في دخول عالم التدريب هتختلف من شخص للتاني :) 

في البداية لازم تفرق مابين انواع المدربين 

Trainer 

ودا المدرب اللي بيدخل قاعة التدريب يوصل مادة علمية معينة معتمدة علي التحضير الجيد وممكن ميكونش هو اللي محضر المادة العلمية وبيستخدم اساليب تدريب كتيرة مختلفة ومتنوعة.

Presenter

ودا المحاضر وبيدخل يوصل معلومات علي صورة عرض توضيحي ويبدأ بسرد المعلومات وشرحها وممكن يكون تفاعلي لكن مبيوصلش مهارات. الشخص دا غالبا بيتحول حاجة اسمها Public speaker بيبقي نوع من الخطابات التحفيزية والتوعوية للناس يقف قصاد عدد كبير ويبدأ بالالقاء والتأثير فيهم.

Facilitator

ودا الميسر والميسر بيستخدم ادوات وتكنيكات مختلفة نوعا عن المدرب لانه بيعتمد علي الوصول بالتيسيرات اللي بيقوم بيها وورش العمل اللي بيقدمها اثناء الكورس انه يوصل بالناس لمرحلة تعلم مطلوبة (تقدر تقول النوع دا هو التطور الطبيعي للtrainer ) 

Coach

والراجل دا بقي اللي بيتابع يعني المدرب بعد قاعة التدريب بيتقلب coach يتابع كل واحد وصل لفين في بيئة العمل نفسها او في الموقف نفسه ويبدأ يصلح بالتجربة والخطأ ويوجه. ناس كتير بتفتكره معالج نفسي الا انه مش كدا خالص هو مجرد بيساعدك في رسم الطريق هو مبيديش وعظ وحكم هو بيخرج من خبراتك اللي يساعدك ويستمر معاك.

دلوقتي بعد ما فهمنا بشكل عام كدا مسميات التدريب وانت هتبقي ايهم في حاجتين تانيين مهمين

في شغل Freelance Training

الشغل الحر للتدريب مبتبقاش مرتبط بمؤسسة معينة يعني ممكن تشتغل مع مؤسسات متعدده. في الاغلب النوع دا بيبقي معتمد علي انك تعمل Customization يعني تهيئة للمادة بتاعتك علي حسب الشركة اللي رايح تدربها. وتصميم العملية التعليمية Instructional design بيختلف من كورس للتاني لان بيئة العمل اختلفت. في الاغلب بردو النوع دا قليل لما بيتعمل فيه Training Needs Analysis - TNA الا انه مهم جدا يتعمل داخل اي مؤسسة. كمان بتتحاسب كماديات باليوم التدريبي مش بالشهر.

وفي شغل Full-time training

وهنا انت بتبقي مرتبط بمؤسسة معينة وبتمشي علي كل خطوات التدريب والاكثر من ذلك انك بتعمل اوقات Assessment بالاتفاق مع الراجل بتاع الـ HR Performance علشان تعرفوا مهارات والوضع اللي فيه كل مدرب دلوقتي وعاوزين توصلوا لايه بيهم من خلال التدريبات.

هنا انت بتبقي عامل set للمادة التدريبية بناء علي المؤسسة دي ولازم التدريبات اللي تعملها تلاقي اهداف البيزنس اللي انت جزء منه وهنا انت بتبقي جزء من الموارد البشرية HR لانك بتبقي شغال تحت مظلتهم كل اللي هتعمله مرتبط باجزاء كتير زي ما ذكرنا متخصص الـ performance وكمان الـ recruiter وغيرهم وبيبقي مسماك الوظيفي علي الارجح Learning and development specialist.

الشغل كمدرب كنصيحة من مدير تدريب اقليمي انه مش محتاج خبرات كبيرة في المبيعات مثلا علشان ابقي مدرب مبيعات او خدمة عملاء علشان ادرب خدمة عملاء الا ان اغلب الشركات بتعين الشخص اللي اشتغل في الحاجة دي قبل كدا فمثلا لما يحب يعين حد يدرب فريق خدمة العملاء فا يقوم بترقية واحد من الفريق يدرب الموجودين والجدد ودا اوقات بيسبب مشاكل كتيرة في الشركات لان الشخص دا زي ماهو فاهم جدا في المجال ممكن يفتقر بشكل كبير في اساليب التدريب وادواته وميقدرش يوصل المهارات بشكل احترافي علشان كدا هتلاقي كتير من المدربين بيفضلوا العمل الحر.

كدا احنا القينا نظرة سريعة علي مجال التدريب والبيئة التدريبية.

مجال التدريب, كارير, Training career, training field, وظيفة المدرب الثابت, المدرب الحر, Facilitator,trainer,coach,presenter

Active learning and passive learning التعلم النشط والتعلم غير النشط

علشان نفهم الـ Active learning خلونا نفرق ما بين الـ Active يعني النشط والـ Passive يعني غير فعال

تخيل ان في 2 متدربين بيحضروا نفس المحاضرة واحد بيتفرج علي المحاضر ومبياخدش اي رد فعل كل اللي بيعمله انه بيسمع وبس تفتكر نسبة تحصيله قد ايه ؟

والمتدرب التاني بيسأل في اجزاء وبيأكد بعض الاجزاء بشوية من الخبرات اللي عنده مع المحاضر تفتكر دا بيتعلم بنسبة قد ايه ؟!

دا التعلم النشط والتعلم الغير فعال .. التعلم النشط شوية حول عملية التعليم من مجرد استقبال المعلومات لتأكيدها بالخبرات ومشاركتها مع المتدربين مبقاش الموضوع مجرد استقبال معلومات بشكل او بآخر ولاحظ اني بقول تعلم نشط "مش بس تدريب" .. يعني اسلوب تعليمك بشكل عام نشط مش بس اللي بيبقي في قاعة تدريب يعني لو قاعد في البيت بتتعلم من فيديو ممكن يبقي تعلم نشط !

في احصائية جميلة كالتالي

We retain:

10% of what we read,

20% of what we hear,

30% of what we see,

50% of what we hear and see,

70% of what we say, and

90% of what we say and do.

(Taken from Communication for the Safety Professional, Robert

Kornikau and Frank McElroy, National Safety Council: Chicago (1975),

pg. 370.)

يعني احنا بنفتكر 50 في المية من اللي بنسمعه ونشوفه "محاضر بيلقي محاضرة مثلا باسلوب شيق" انما بنفتكر 90 في المية من اللي بنقوله ونعمله بنفسنا وهو دا المعني الحقيقي للتعلم النشط.

كمان التعلم النشط له مزايا 

الميزة الاولي : التحدي :-

انت حاطت المتدربين دايما في تحدي اثناء التدريب ودا بيخليهم يدوروا علي مهارات جديدة ومعرفة جديدة يتعلموها عكس التعلم غير الفعال اللي مبيبقاش فيه طلب ولا استخدام لمعلومات ولا مهارات جديدة.

الميزة التانية : التأكيد :-

انت من خلال التعلم النشط تقدر تتأكد ان المعلومات وصلت بالفعل للمتدربين ولا لآ ودا يديلك ارتياحية وانت بتعلى معاهم في مراحل التعلم بدل ما كانت مرحلة هتبدأ تدخل في معلومات ومهارات اعمق واعلى ودا بيخلي دايما المتدربين في حالة تحفيز دائم.

الميزة الثالثة : الـ feedback :-

وهنا انت بتاخد تغذية رجعية عن المعلومات اللي اتعلموها وعن اللي محتاج تطوير لسا وعن اللي بالفعل تم تطويره وبيديلك تقييم للي انت طبقته معاهم وصل لهم بنسبة قد ايه؟

في كتب كتيرة اتكلمت عن التعلم النشط وازاي تعمله وفي كمان كتب كتيرة كتبت مباشرة عن التدريبات وورش العمل اللي ممكن تستخدمها تعمل تعلم نشط زي كتاب 101 more training games وفي مواقع كتيرة وناس كتيرة بتشارك ورش عمل لكن المهم تستخدمها في مكانها الصحيح وتشاركها.

التعلم النشط مش بس انك تشارك الناس معاك التعلم النشط الصحيح انك تشارك الناس معاك كمدرب ومع بعضهم كمتدربين ومع الموضوع نفسه اللي بتتكلم عنه لكل واحد على حدى.

ميزة التعلم النشط انك ممكن تستخدم نفس التمرين او ورشة العمل لاكتر من هدف وتطلع منها اكتر من معني في كورسات وتدريبات مختلفة "يعني نفس التمرين اللي بتستخدمه في القيادة بتعلمهم فن التعامل مع الاتباع ممكن تستخدمه هو هو في فن التفاوض !"

في المقالات الجاية عن التعلم النشط هنتكلم اكتر عن امثلة وعن تطبيقات وهيبقي في فيديوهات للكلام دا ان شاء الله :)