في الاول يعني ايه New blended learning ؟
باختصار لما زاد استخدام التكنلوجيا زاد استخدام وسائل التعلم ومبقاش الموضوع مقتصر علي القاعة الصوتية وساعة بيتكلم فيها المدرب مع المتدربين. اصبح في تعليم بوسائل وصور مختلفة سواء بالقاعات الصوتية الاون لاين او بوسائل تانية كتير.
الميزة في ال New blended learning انه بيستخدم في التعليم الغير رسمي او ما يسمى ب الInformal training واللي بيتلخص بالشكل دا
الكرسي دا له 3 رجول وهم
1- التعليمات instructions
وهنا بنعتمد علي ارشاد وتوجيه المتعلمين للمهارات والمعرفة اللي بتنقصهم, وبتحتاج التنفيذ الجيد وبتتم من خلال التعليم الاون لاين وقاعات التدريب.
2- المعلومات information
وفي النقطة دي بنعتمد علي نقل المعلومات واضافة معلومات للمخزون المعرفة اللي عندنا. لكن في نقطة مهمة جدا هنا ان زيادة المعلومات ميضمنش بالضرورة تسريع عملية التعليم لان ممكن لو زادت يقل التعلم.
3- التعاون collaboration
محدش يقدر يقلل من قيمة التلاقي بين المتعلمين والخبراء والمدربين وزملاء التعلم. انك تلاقي حد تاني عنده نفس الاهتمام والاحتياج للشئ دا بيساعد ان يبقي في تبادل معرفي وتبادل خبرة واسع. السوشيال ميديا من اهم القنوات اللي وفرت دا.
ان شاء الله المقالات القادمة هنتكلم عن ازاي نستخدم ونوظف ادوات الnew blended learning خصوصا في نطاق الinformal training او التدريب الغير رسمي واللي هيضيف لينا كتير كمدربين وهيسرع عملية التعلم. هنتكلم كمان عن ازاي تستخدم الكلام دا في المؤسسات والمنظمات.
No comments:
Post a Comment